Pwrpas yr uned yma yw cefnogi addysgu uned 1, 2016 sef Hysbysebu a Marchnata gan roi sylw penodol i raghysbysebion ffilm yn Adran A a phosteri ffilm yn Adran B yr arholiad.
Mewn blynyddoedd dilynol gellir defnyddio rhaghysbysebion ffilm a phosteri ffilm yn sylfaen i waith ar gyfer yr asesiad dan reolaeth. Mae'r adnodd yn rhoi sylw i'r fframwaith Astudio'r Cyfryngau (Testunau: genre, naratif, chynrychioliad, sefydliadau, cynulleidfaoedd a defnyddwyr) mewn perthynas â rhaghysbysebion a phosteri ffilm gan ystyried amrediad o astudiaethau achos cyfredol a hanesyddol.
Ceir yma hefyd amrywiaeth o weithgareddau addysgu a dysgu y gellir eu defnyddio gyda'r dosbarth cyfan neu gall ddysgwyr eu defnyddio yn unigol. Mae'r adnodd yma'n ddefnyddiol fel cyflwyniad i'r maes neu ar gyfer adolygu.
Er bod yr holl adnoddau’n gywir ar adeg eu cyhoeddi, dylai athrawon fod yn ymwybodol bod pethau’n symud yn gyflym yn niwydiant y cyfryngau ac felly dylent wirio bod y wybodaeth yn dal yn gyfredol ac yn gywir.