Bwriad y pecyn hyfforddi hwn ydy cynnig arweiniad i athrawon CA3 ar sut i symud dysgwyr o lefel 5 i lefel 6 ac o lefel 6 i lefel 7.
Mae Rhan 1 yn cynnig 6 uned addysgu enghreifftiol:
- Sgwrs sefyllfa a threfnu digwyddiad
- Disgrifio person enwog neu le penodol
- Fy myd a fy milltir sgwâr
- Ymateb i gerdd
- Trafod llyfr
- Technoleg (ffonau symudol)
Mae'r unedau hyn yn amrywio o ran eu hyd er eu bod yn rhannu'r un nod, sef, hyrwyddo cynnydd rhwng lefelau 5 a 7.
Er mwyn ymgyfarwyddo â chynnwys y pecyn, argymhellir argraffu copi o’r Camau a geir ym mhob uned fel eu bod ar gael yn hylaw wrth bori trwy’r atodiadau.
Mae Rhan 2 y pecyn yn cynnwys dogfennau a baratowyd gan Dîm y Gymraeg mewn Addysg Gwasanaeth Cyflawniad Addysg De Ddwyrain Cymru er mwyn sicrhau cysondeb asesu a hwyluso’r broses o gymedroli gwaith dysgwyr o fewn y consortiwm. Cynhwysir disgrifiadau lefel Cwricwlwm 2008 a lefelau ar gyfer dysgwyr yn y rhan hon hefyd.