Cyflwyniad i gynrychioliad ethnigrwydd mewn cyfres o wahanol ffurfiau'r cyfryngau. Pwrpas yr adnodd yw cefnogi addysgu'r rhan allweddol yma o fframwaith cysyniadol y fanyleb newydd. Mae'r gweithgareddau yn cyflwyno elfennau allweddol cynrychioliad i'r dysgwyr gan gynnwys stereoteipio a gwahanol gynrychioliad grwpiau ethnig mewn amryw o ffurfiau cyfryngol a chyd-destunau. Yn y gweithgareddau rhyngweithiol ceir sawl enghraifft o'r gorffennol sy'n ystyried cyd-destunau cymdeithasol, diwylliannol a hanesyddol cynrychioliad, ac enghreifftiau mwy cyfoes y gellir eu defnyddio yn y dosbarth er mwyn datblygu gwybodaeth, dealltwriaeth a sgiliau dadansoddi.
Gellir defnyddio deunyddiau trydydd parti at ddibenion beirniadu ac adolygu drwy'r rheol delio teg, ond os oes unrhyw beth wedi’i hepgor, neu unrhyw beth yn anghywir, rhowch wybod i ni er mwyn i ni allu gwneud y cywiriadau angenrheidiol adnoddau@cbac.co.uk.
Er bod yr holl adnoddau’n gywir ar adeg eu cyhoeddi, dylai athrawon fod yn ymwybodol bod pethau’n symud yn gyflym yn niwydiant y cyfryngau ac felly dylent wirio bod y wybodaeth yn dal yn gyfredol ac yn gywir.