Ceir tair rhan i’r adnodd hwn:
Cyflwyniad i helaethiadau: Dyma adnodd delfrydol ar gyfer cyflwyno disgyblion i gysyniad helaethiad. Gall disgyblion ac athrawon ddefnyddio’r adnodd i astudio’r ffactor graddfa rhwng y gwrthrych a’i helaethiad.
Helaethiadau heb graidd helaethiad: Mae’r adnodd hwn yn berffaith ar gyfer dangos sut i helaethu siapiau heb ddefnyddio craidd helaethiad. Mae’r adnodd yn galluogi’r defnyddiwr i helaethu siâp penodol trwy lusgo fertigau polygon.
Helaethiadau gyda chraidd helaethiad: Dyma adnodd grymus iawn sy’n berffaith ar gyfer astudio helaethu siapiau trwy ddefnyddio craidd helaethiad. Mae hyblygrwydd yr adnodd yn galluogi’r defnyddiwr i lunio cwestiynau sy’n addas i’w gofynion eu hunain.